|
په ۲۰۰۲ ال کې، د افغانستان حکومت د ماين پاکۍ چارو مسؤلیت په مؤقتي توګه ملګرو ملتونو ته د همغږۍ کولو د یوه هیئت له لارې چې د ملګرو ملتونو د ماين پاکۍ خدمتونو UNMAS له لورې ګمارل شوی وو،وسپاره. د ۲۰۰۸ کال د جنورۍ په میاشت کې، د ماين پاکۍ لپاره يوه بین الوزارتي بورډ له لارې، د افغانستان حکومت د افغانستان د پېښو د ملي رياست په اداره ملي ماين پاکۍ دیپارټمنټ د ملګرو ملتونو د همغږۍ له هیئت MACCA سره ګډ کار ته وګمارلو.
دواړه DMC او MACCA د همغږۍ کولو لپاره په افغانستان کې د ماين پاکې د فعالیتونو له ټولو شریکانو سره په ګډه مسؤل دي. له تطبیقاتي شریکانو سره په میاشتنۍ توګه ناستې ترسره کېږي تر څو پلانونه، امنیت، نوې ټکنالوژي او نورې اړینې موضوعګانې سره شریکې شي.
د افغانستان د حکومت او د ملي سرچينو د پرمختګ لپاره د ملګرو ملتونو د ستراتیژیکو موخو پر بنسټ، MACCA همداراز د افغانستان له حکومت سره د ماين پاکۍ د ادارې د ملي ظرفیتونو د لوړولو سره د مرستې مسؤلیت هم په غاړه لري.
MACCA د ماین پاکۍ د عملیاتو سره د مرستې په موخه، په کابل کې د خپل مرکزې دفتر او په کابل، هرات، کندهار، مزار، کندز، ګردېز او جلال آباد کې د سیمه ایزو دفترونو له لارې، ملي او نړیوال کارکوونکي ګمارلي. دا کارکوونکي له تر اغېز لاندې کسانو، حکومتي استازو، د ملګرو ملتونو له دفاترو او مرستندویه سرچینو سره په هغو سيمو کې چې مسؤلیت یې ورپه غاړه دی، په نېغه توګه کار کوي. |
